bulag sa katotohanan?

kumusta naman ang pasugalan? sulit ba ang puyat na magdamagan? 'yun daw ang "ideal woman"... babaeng may lalake na, may babae pa, san ka pa? tao ka ba? ito ang uri na gustong pakisamahan?

gisingin ang ugat patungo sa utak baka natutulog lamang, paganahin kahit saglit lang.

kadalasan, nasasaktan na'y nasisisi pa - ang mga taong nagmamalasakit lamang, mga taong hinihingan ng payo nguni't hindi pinakikinggan. mga taong nalalapitan sa oras ng matinding pangangailangan. hindi lang sa panahong naghahanap ng kaibigang makakasalo sa saya o habang may naibibigay ka...
nasasabihan mo nga siya ng problema pero nasosolusyonan ba? paano kung sa bandang huli siya pala ang iyong problema, paano lalabas sa isang sitwasyon na hawak ka?

ito 'yung taong bulag sa katotohanan, bingi sa payo ng mga taong tunay na nagmamahal. "focused" ika nga, focused sa akala ay panghabang-buhay na kaligayahan. walang "happily ever after" hanggang hindi naitatama ang mga maling gawa.

Who says life is easy?

It's never easy... lalo na kapag di ka marunong makontento.

Noong bata ka gusto mong tumanda agad para magkatrabaho.

Noong tumanda ka naisip mong mas masarap pala ang maging bata kasi walang iniintindi.

Noong nagaaral ka feeling mo laging kulang ang baon mo.

Noong nagtatrabaho ka na, feeling mo laging kulang ang sweldo mo, nasa isip mo mag-aral na lang kaya ulit ako?

Kapag gutom ka nagrereklamo ka... kapag busog ka na nagrereklamo ka pa rin.

at marami pang ibang eklat!

Noong payat ka gusto mong tumaba, nung tumaba ka gusto mong pumayat.

Maputi na nga ang kulay mo, gusto mo pang magpa-tan.

Iyong mga kayumanggi nga gusto namang magpa-puti. (gumamit ng papaya, bleach, Belo meds, may gluthathione pa, tapos magrereklamo sa gastos)

Bakit di na lang tanggapin kung ano ang pinagkaloob sa iyo.

ano ba talaga, kuya?

Kailan ka ba masisiyahan? Kahit ang Diyos maguguluhan sa nais nating mangyari sa ating buhay kung ganito ang pagiisip natin. simple lang naman talaga dapat ang ating pamumuhay, pinapahirap lang natin sa pamamagitan ng pagkomplika ng sitwasyon.

Tanggapin na lang kaya natin ng maluwag kung ano man ang meron tayo, at mula doo'y palaguin ito. :-)